Artıq 10 ildir ki, Azərbaycanda Linux sistemləri üzrə bilik və təcrübəmi paylaşaraq bu sahənin inkişafına töhfə verməyə çalışıram. İlk gündən məqsədim texniki məlumatları azərbaycanca və hamının anlayacağı dildə izah etmək olub. Bloq yazılarımla yanaşı sosial media platformalarında da mütəmadi paylaşım edirəm. İllər ərzində yüzlərlə məqalə, təlimat və nümunə hazırlamışam. Əsas diqqətim praktiki və real iş mühitində istifadə olunan mövzulara yönəlib. Linux sistemi, açıq mənbə anlayışı, təhlükəsizlik konfiqurasiyaları və başqa bir çox sahələrdə yazılarımı geniş auditoriyaya çatdırmağa çalışmışam. Oxuculardan gələn suallar və rəylər əsasında da məqalər hazırlanmışdır. Məqsəd yalnız öyrətmək deyil, həm də öyrənmək və bu bilikləri birlikdə inkişaf etdirməkdir. Azərbaycanca texniki kontentin sayının artması üçün bu fəaliyyətə davam edəcəyəm. İndi isə bu bilikləri kurslar və daha geniş platformalar üzərindən paylaşmağa davam edirəm.